स्तोत्रम् संग्रह Pandit Vishwanath Prasad Dwivedi February 10, 2022 0 Comments

अथ् श्री अन्नपूर्णा स्तोत्रम्

अथ् अन्नपूर्णा स्तोत्रम्

नित्यानंदकरी वराभयकरी सौंदर्य रत्नाकरी
निर्धूताखिल घोर पावनकरी प्रत्यक्ष माहेश्वरी।
प्रालेयाचल वंश पावनकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥१॥

नाना रत्न विचित्र भूषणकरि हेमांबराडंबरी
मुक्ताहार विलंबमान विलसत्-वक्षोज कुंभांतरी।
काश्मीरागुरु वासिता रुचिकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥२॥

योगानंदकरी रिपुक्षयकरी धर्मार्थ निष्ठाकरी
चंद्रार्कानल भासमान लहरी त्रैलोक्य रक्षाकरी।
सर्वैश्वर्य समस्त वांछितकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥३॥

कैलासाचल कंदरालयकरी गौरी-उमाशांकरी
कौमारी निगमार्थ-गोचरकरी-ओंकार-बीजाक्षरी।
मोक्षद्वार-कपाटपाटनकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥४॥

दृश्यादृश्य-प्रभूति-पावनकरी ब्रह्मांड-भांडोदरी
लीला-नाटक-सूत्र-भेदनकरी विज्ञान-दीपांकुरी।
श्रीविश्वेशमनः-प्रसादनकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥५॥

उर्वीसर्वजनेश्वरी भगवती माता मातान्नपूर्णेश्वरी
वेणी-नीलसमान-कुंतलहरी नित्यान्न-दानेश्वरी।
सर्वानंदकरी दशा शुभकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥६॥

आदिक्षांत-समस्तवर्णनकरी शंभोस्त्रिभावाकरी
काश्मीरा त्रिजनेश्वरी त्रिलहरि नित्यांकुरा शर्वरी।
कामाकांक्षकरी जनुद्यकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥७॥

दर्वी स्वर्ण विचित्र-रत्नखचिता दक्षेकरे संस्थिता
वामे-स्वादुपयोधरी सहचरी सौभाग्यमाहेश्वरी।
भक्ताभीष्टकरी दृशा शुभकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥८॥

चंद्रार्कानल-कोटिकोटि-सदृशा चंद्रांशु-बिंबाधरी
चंद्रार्काग्नि-समान-कुंडल-धरी चंद्रार्क-वर्णेश्वरी।
माला-पुस्तक-पाशसांकुशधरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥९॥

क्षत्रत्राणकरी महाभयकरी माता कृपासागरी
साक्षान्मोक्षकरी सदा शिवकरी विश्वेश्वर श्रीधरी।
दक्षाक्रंदकरी निरामयकरी काशीपुराधीश्वरी
भिक्षां देहि कृपावलंबनकरी मातान्नपूर्णेश्वरी॥१०॥

अन्नपूर्णे सादापूर्णे शंकर-प्राणवल्लभे।
ज्ञान-वैराग्य-सिद्धयर्थं भिक्षां देहि च पार्वती॥११॥

माता मे पार्वती देवी पिता देवो महेश्वरः।
बांधवा: शिवभक्ताश्च स्वदेशो भुवनत्रयम्॥१२॥